الثلاثاء، 23 أكتوبر، 2012

مشروع لمساعدة المكفوفين

السلام عليكم ورحمة الله وبركاته

ازيكم  يابشمهندسين ؟

اولا انا عارف انى مقصر جدا مؤخرا فى المدونة وكل مرة اعتذر بس والله الظروف مش مخليانى اقدر اعمل اى حاجة وخاصة انى دخلت المجال السياسى فلا اجد الآن اى وقت الا القليل جدا .

ثانيا انا بعتذر جدا جدا جدا لكل شخص ارسل لى رسالة وطلب مساعدة ولم ارد عليه وهاحاول ارد على الرسائل دى بس افضل ان يتم ارسال الرسائل مرة اخرى لكل من طلب منى اى مساعدة فأرجو ان تقبلوا اعتذارى لحضراتكم .

ثالثا موضوع اليوم هو عبارة عن موضوع خيرى لمساعدة المكفوفين ان شاء الله

فبعدما طرحت على حضراتكم فكرة عمل مشروع عصا ذكية لمساعدة المكفوفين وقام بعض الطلية بتنفيذ المشروع فى مشاريع تخرجهم أتيكم اليوم بفكرة وهى ليست من اختراعى او شىء ولكنها عجبتنى جدا جدا ورأيت انها ستكون اداة مساعدة الى جميع المكفوفين ان شاء الله .



 هذه الاداة بسيطة جدا حيث يتم وضعها تحت جوانتى صغير مصنوع من البولى , وفكرة عمل هذه الاداة عبارة عن قياس المسافات لاى اداة مثل ملعقة او مفتاح كهرباء او مقبض باب او مفتاح او مكتب او حائط .... الخ واين المكان بالضبط هل هو على يمين اليد التى عليها الجهاز ام على يسارها .

 يقوم الحساس وهنا سنستخدم ultrasonic بقياس المسافات وتحديد المكان بالضبط ثم يعطى المسافة للميكرو فيقوم على حسب برمجتنا له بتحديد المكان ومنه يحدد اين يضغط المفتاح الضاغط الذى وضعناه والموجود بالشكل على شكل منحنى مغلق فوق البطارية






المشروع سيكون عمل خيرى ان شاء الله وقد بدأت فيه توا ولا أعرف متى سأنتهى منه بالضبط ان شاء الله ولكنى سوف احاول انهائه فى اقرب وقت ان شاء الله .

8 comments :

غير معرف يقول...

السلام عليكم
هو الفكره كويسه بس حضرتك مش موضح الموضوع اوى
طيب هو قصد حضرتك ان السينسور (ultrasonic)
كل اللى يقدر يعمله قياس المسافات عن طريق الموجات المرسله والمنعكسه وبكده يقدر يحدد الهدف على بعد كام بس مش هيحدد نوع الهدف ايه هو فعلا هيكون فيه اختلاف بين الموجات المنعكسه من حائط عن المنعكسه من ملعقه مثلا لاختلاف الحجم بس ممكن نخلى الموضوع اكثر تطورا ونسجل فى الاول الموجات المنعكسه من كل انواع الحواجز اللى ممكن الشخص الكفيف يتعرض لها على الميكرو يعنى نخلى السينسور يحس بالمعلقه ونشوف الموجه المنعكسه شكلها ازاى ونقول للميكرو لما تيجى الموجه دى يبقى الهدف هنا مثلا ملعقه او حائط او اى شىء بحيث الشخص يعرف ايه الحاجز ده
هل هى دى الفكره ولا ايه؟؟؟

Mahmoud zezo يقول...

اهلا بحضرتك يابشمهندس
فعلا عندك حق
بس انا لسه بعمل تصميم مبدئى فلازم الاول نضبط على انه يحدد ان فى جسم ما على يمين اليد التى عليها الجهاز ام على يسارها .

بعد كده هانبدأ نحدد على حسب حجم الجسم واللى بسببها هايتغير شكل الاشارة .

غير معرف يقول...

ايه اخر الاخبار وصلت لحد فين يا بشمهندس

Mahmoud zezo يقول...

مفيش لم انتهى بعد ومتوقف حاليا نرا لانشغالى الشديد جدا بالحزب وبالعمل السياسى والحزبى ولكن سأكمل المشروع فى أقرب وقت ممكن ان شاءالله

RE JOE يقول...

ياترى حضرتك وصلت لحاجه يا بشمهندس ولا لسه ؟

mahmoud Abdel-Aziz يقول...

للاسف توقفت منذ فنرة عن المشروع ده ولكنى هاحاول ابدأ فيه تانى ان شاء الله

غير معرف يقول...

حضرتك ممكن معلومات اكتر عن المشروع ويا ريت يكون الشرح مدعم بالصور وشكرا

غير معرف يقول...

السلام عليكم

كيفك انا بدي اطلع عالمشاريع يلي عاملينها مش عارفة كيف اطلع عليها

إرسال تعليق