الخميس، 5 يناير، 2012

أول وأبسط ربوت Robot يمكن للمبتدئين تصميمه الجزء الاول

بسم الله الرحمن الرحيم

السلام عليكم ورحمة الله وبركاته

ازيكم يابشمهندسين ؟
اخباركم ايه ؟
كنت اتكلمت من زمان ( بس مش من زمان قوى يعنى :) ) انى هاحاول انى اشرح ميكروكنترول والكترونيات على المدونة اوحاول اعمل مشاريع وكده بس محصلش نصيب فى المووضوع ده حتى تذكرت منذ فترة قليلة ذلك الامر فققرت انى ابدأ مع حضراتكم من اول الصفر وبمعنى اصح الف باء الكترونيات وميكرو ( بس انا هابدأ مع حضراتكم بمشاريع وليس شرح والشرح موجود على منتديات كتير وهاتلاقوها فى قسم المدونات والمواقع المفضلة على شمال المدونة ) ويجب لمن يبدأ معى ان يكون فاهم كويس الكترونيات وياريت لو يذاكر ميكرو كنترول .

هانبدأ النهاردة فى مشروع بسييييط جدا جدا وحتى اللى ميعرفش ميكرو يقدر يعمله لأنه مشروع ميكانيكى بالدرجة الاولى ولكنى بعد تطويرة خلال شرحنا فى المراحل القادمة ان شاء الله سيكون هناك ميكرو كنترول بالمشروع Micro Controller .



مشروعنا النهاردة عبارة عن روبوت حشرة يتحرك ذاتيا ويدور يمينا ويسارا بوساطة ذراعين استشعار .
وعلى فكرة قبل ماابدأ انا عارف ان فى ناس كتييييييييييير ممكن تكون عارفة المشروع ده وهو سهل جدا جدا بس انا حبيت نبدأ به كمرحلة اولى ثم نتدرج الى نصل الى المشاريع الكبرى ان شاء الله .


الادوات المطلوبة للمشروع :

العدد       النوع

2        بطارية  نوع AA أو AAA
2       كليبسات ورق ( او يمكن الاستعاضة عنها بسلك معدنى سميك جدا ويثنى بصعوبة ومعه مساكة .
1       حافظة للبطارية وليكن واحدة للعبة قديمة ( وهى المكان الذى يوضع به البطارية وبع طرفين موجبين وسالبين )
1       قطعة خشب صغيرة .
2       موتور 1.35 فولت ( يمكن الحصول عليها من اى العاب صغيرة والتى يتم التحكم فيها بريموت ونقوم باخذ المواتير منها )
2     سويتشات او مفاتيح من نوع SPDT ذات الثلاثة ارجل .

ودى صورة بها الادوات كلها


صورة اخرى




ودى صورة بها شكل السويتشات او المفاتيح اللى هانحتاجها ان شاء الله

وبده نبقى خلصنا التدوينة دى وهانكمل شرح المشروع التدوينة القاددمة ان شاء الله وهاتبقى خلال اليومين القادمين ان شاء الله .

السلام عليكم ورحمة الله وبركاته

11 comments :

غير معرف يقول...

يا سلام حلو الموضوع بس وين احصل على التكملة

Mahmoud zezo يقول...

الجزء الثانى موجود بعد هذا الجزء وبه تكملة المشروع يابشمهندس

http://engineermahmoud.blogspot.com/2012/01/robot_09.html

غير معرف يقول...

الموضوع حلو كنت حابه اطوره واعمله مشروع تخرج
انا محتاجه اعرف عن الموضوع اكثر

Mahmoud zezo يقول...

اهلا يابشمهندسة
هو حلو للهواة وليس كمشروع تخرج
ولكن لكى تنفذيه كمشروع تخرج فيمكنك اضافة بعض اللمسات عليه وبعض الافكار الاخرى

غير معرف يقول...

مشكور بس كنت حابه اعمل روبوت اتحكم به عن طريق الحاسب او اللابتوب وحابه ابرمج بالاسمبلي واعمل اكثر من مجرد الدوران والحركه يمكن يقيس حراره يقيس رطوبه.........الخ

Mahmoud zezo يقول...

ممتاز يابشمهندسة ولكن نصيحة منى الافضل ان تبرمجيه بلغة السى او تقومى باحضار Picaxe بدلا من Pic وهى لها لغتها الخاصة ولكنها تتمتاز بقوتها فى التعامل مع الروبوت

غير معرف يقول...

مشكور مره ثانيه ولو بالامكان تساعدني لاني مش عارفه من اين ابدى بالضبط ومافي عندي احد علشان اسال ,اذا ممكن ايش الدروس الذي لازم اخذها

Mahmoud zezo يقول...

بالنسبة للدروس
فانا لازم اعرف هل انتى بتعرفى تتعاملى مع الميكروكنترولر الاول ومع المقاطع الموجودة فيه وهل انتى بتعرفى تبرمجى ميكرو او تفهمى ميكرو بمجرد قراءة الداتا شيت بتاعتها ؟

وعلى فكرة فكرة المشروع سهل جدا تنفيذها ولكن الاهم الفهم

غير معرف يقول...

تقدر تقول ان مافي عندي اي شي من الي انت قلته
انا مهندسه اتصالات تنصحني اغير المشروع او اكمل في نفس المشروع وكيف اقدمه بالطريقه المناسبه لمهندس الاتصالات
سامحني عذبتك معايا

Mahmoud zezo يقول...

حاولى تتعلمى هذه الاشياء وسنجدى منتديات فى قائمة على الشمال انا مقترحها متخصصة فى الحاجات دى
لو مش قدرتى تتعلمى هذه الاشياء فنصيحة غيرى المشروع لشىء تستطيعى عمله .
بالتوفيق ان شاء الله

wasil alburihi يقول...

مشاريع مهمة في غاية الاهمية

إرسال تعليق