السبت، 12 فبراير، 2011

عهد جديد يامصر ياحبيبتى

السلام عليكم ورحمة الله وبركاته

ياااااااااااااااااااااااااه اخيرا اتولدت النهاردة بجد وبقيت حاسس انى عايش كانسان وانى ليا ﻻزمة فى بلدى .
يلا ننسى الشماته والتخوين و تعالوا نعطى للعالم كله مثال على اخلاقنا العالية , مبارك انتهى وعصره انتهى سنطالب بمحاكمة لكل من سرق حقوقنا وسنترك للقضاء يقول كلمته لا وقت للشماته فى مصريين امثالنا حتى لو ظلمونا دعونا نفتح صفحة جديد غير ملوثة , النهاردة يوم جديد و...صفحة بيضة نقية جدا نفسى نحافظ على نقاؤها .
من هنا ورايح لا كورة ولا غيرها هاتفرق بينا يامصريين

هانبقى ايد واحدة ومش هانسمح لأى حد سواء لاعب او فنان او احد المنافقين انه يوقع بينا وبين بعض

ومش هانسمح باى تدخل خارجى يوقعنا فى بعض
...
لازم نبقى ايد واحد ونبقى متأكدين انى اى غلطة او اى حاجة اتقالت علشان تسبب وقيعة بنا لازم نبقى متأكدين انها مش مننا كمصريين بل هى من الخونة والمنافقين واللى عاوزين يصعدوا على اكتاف الشعب او يجعلوا مصر منقسمة حتى لا نتطور .
وفى اﻻخير هاقول الكلام ده ويارب نعمل بيه كلنا ان شاء الله :
من النهاردة دي بلدك انت
ماترميش زبالة
ماتكسرش إشارة
ماتدفعش رشوة
ماتزوّرش ورقة
............اشتكي أي جهة تقصّر في شغلها
متسمحش لظابط يعذب مصري زيك
اوعى تصنع "مبارك" تاني
استمتع بحياتك
اقرا وثقف نفسك
حب نفسك وحب الناس اللي حواليك
اوعى تعاكس بنات في الشارع
اوعى تهين حد
اوعى تسخر من حد
أوعى تنسى حريتك أبداً.. خلي بلدك اجمل بيك
مصر امى مش مرات ابويا
ويارب مصر دايما بخير وﻻزم نبدأ من النهاردة من نفسنا وﻻزم نبدأ نبنى بلدنا ونطورها علشان توصل للى احنا عاوزينه ونمنع اى مشاكل بينا ونحيه جانبا فى الوقت الحالى علشان نقدر نوصل بمصر الى بر اﻵمان .
ياحببتى يامصــــــــــــــــــــــــــــــــــــــــــــــــــــــــــــــــــــــــــــــــــــــــــــر .

0 comments :

إرسال تعليق