الأحد، 23 يناير، 2011

هو ليه بيحصل كده

هو ليه بيحصل كده ياجماعة ؟
الواحد يعمل ايه يعنى علشان يقدر يقنع الناس بيه ؟ واحد خريج هندسة ومش عارف يشتغل فى اى مكان علشان مش معاه ﻻ واسطة وﻻ مال !!!
وليه كله بقى بيبص لكله بطريقة مش كويسة , دلوقتى تباع الميكروباص اللى مش معاه شهادة اصلا بيتنطط علينا وبيحسسك انه بيصرف عليك او بيمن عليك وانت مش واخد بالك .
وكله كوم واللى بيحصل ليا كوووووووم تانى !!! بجد حراااااااااااااااااااااااااام انا اتخنقت .ليه الكل بيحاول انه يقلل منى او من الناس اللى مثلى ودايما بيحسسونا اننا عالة على المجتمع او اننا مثلا شوية جهلة منعرفش حاجة فى اى حاجة لكن اللى معاه فلوس وواسطة هو اللى عالم زمانه مع كده كده كله لو اشتغل بيعملش حاجة غير انه يلعب شوية فى الشغل ده وكل اللى بيتعمل خاصة فى المجال الهندسى بيتم عمله من جانب المهندسين اﻻجانب مع انى شايف اننا نقدر نعمل اكتر من اللى هما بيعملوه .

الواحد يعمل ايه يعنى علشان محدش يبصلى بطريقة مش كويسة تانى , وانا من النوع اصلا اللى شايل من دماغى موضوع انى اسافر للخارج للعمل سواء فى دولة عربية او اجنبية علشان انا عاوز احط طاقتى كلها هنا فى بلدى بس للاسف اصحاب الشركات مش بيهمهم اﻻ مجاملة معارفهم ومعارف الموظفين عندهم او اللى بيدفع أكثر .
للاسف ياجماعة بسبب اللى حصل ليا النهاردة الدنيا اسودت فى عينى وحسيت احساس مش عاوز اقوله غير انى اﻻحساس ده جعلنى ابكى بحرقة .

وقررت انى ﻻزم اخد مدة ارتاح فيها نفسيا ومعنويا حتى ﻻ انفجر نفسيا .ولذلك سوف اتوقف قليلا عن التدوين وعن كل مايخص اﻻنترنت وعالم الكمبيوتر حتى استريح نفسيا .

ياريت الجميع يقبل اعتذارى عن اللى هاعمله وياريت تدعولى .

السلام عليكم ورحمة الله وبركاته

7 comments :

غير معرف يقول...

السلام عليكم ورحمة الله وبركاته الى المهندس المتألق دائما المهندس محمود اسمحلي انه بتصرفك هذا قد جعلتهم ينتصرون عليك وهذا هم الذين يريدونه لذلك ادعوا من حضرتك ان تواصل عملك وتتفوق بعلمك على كل من يحاول الاضعاف من قدراتك العلمية....................وفقك الله

Yosry Elfeky يقول...

السلام عليكم
لا عليك اخي محمود فكلنا مررنا بتلك الظروف ولا تقلق فإن الله لا يضيع اجر من احسن عملا
ياريت تبعتلي السي في لاننا محتاجين مهندسين في الشركه

Mahmoud zezo يقول...

وعليكم السلام
شكرا ليكم يابشمهندسين على دعمكم ليا .
بجد فخر ليا ان فى ناس محترمة بتكن بيشجعونى كده
وبشكر كل اللى راسلنى بالميل .

engmohammedsamir يقول...

للاسف يا بشمهندس الواسطة بقيت للاسف اساسية حتي لو واحد بلادياتك يكوتن بردوا بواسطة والجديد الاكتشافته انه ممكن واحد معاه بلادياته ودي شوفتها مع واحد قريبي
الاتنين من نفس المدينة فتعينوا على الاساس دة انا بردوا بدور على شغل بس برة مصر لاني زهقت وطهقت اشتغلت في مصر لمدة 6 شهور في مجال الميكروويف وقابلت ناس ميفهموش في البصلة انا لا اقول اي بغتر بس لقيت معظم ناس ببتعين عشان دة معرفة ودة قريب
وميعرفوش اي حاجة عن اي حاجة وراحو تدريب في مؤسسة صينية اي هي هواوي مثلا وانا اني الحمد لله عندي خلفية كويسة وقالولي اتدرب في الشغل ومش لازم تروح هواوي عشان تتدرب وشوفت الويل وكافحت في 6 شهور عشان ازود معرفتي افاجا اني الناس الي تعاينت اتوظفت بمرتب اعلى مني ب 2ضعفين وتلات اضعاف وللاسف كل الدول العربية على كدة للاسف
وحاجة تحرق الدم

Ahmed يقول...

كفايه انك تلاقي دعوه علي معلومه كتبتها و تعبت فيها

كفايه انك بتحس انك بتنفع بلدك من خلال مهندسين زميلك

بس ان شاء الله هتلاقي شغل و تترقى فيه و تبقي ذو مكانه عاليه ان شاء الله يا رب و ربنا يوفقك و يهديك الي ما يحب و يرضى يا باش مهندس

Mahmoud zezo يقول...

شكرا ليكم بجد
والحمد لله حقنا رجع لينا وهانبنى بلدنا بكل مجهودنا ان شاء الله .

Hashem Mashrika يقول...

روق يا عم خدلك سنكرز و روق
و أنا بنصحك تعيد التفكير في الخروج الى الخارج لأن بلاد العرب أكفاني ياعم
و ربي ميحمناش من تدويناتك الرائعة

إرسال تعليق